Jurnalist va blogerlar Surxondaryo viloyatidagi yangi loyihalar bilan tanishdi.

“Uzagrostar xolding” kompaniyasi tomonidan Surxondaryo viloyatida press-tur o‘tkazildi.

Jurnalist va blogerlarga dastlab “Denov – Agro Star” ixtisoslashgan kompaniyasi haqida maʼlumot berildi.

“Uzagrostar xolding” muassisligidagi “Denov – Agro Star” limon, limon mahsulotlari va yeryongʻoqqa ixtisoslashuvi belgilangan. Unga Denov, Jarqoʻrgʻon, Qumqoʻrgʻon hamda Uchkoʻprik tumanlari biriktirilgan.

Tadbir ishtirokchilari kompaniya tomonidan amalga oshirilayotgan yangi loyihalar bilan tanishdi.

 “Jamatak” MFYhududidagi 1 gektar maydonda “Agrokompleks” barpo etilmoqda. Loyiha ishga tushgach bu yerda yillik 10 ming tonna limon va yeryongʻoq mahsulotlarini saralash, qadoqlash va qayta ishlash imkoniyati paydo boʻladi. Loyihaning maqsadi mintaqadagi mavjud limon hamda yeryongʻoq mahsulotlarini yuqori texnologiya asosida qayta ishlash hamda kalibrovka va qadoqlash orqali eksportga tayyor mahsulot chiqarishdir.

 “Denov – Agro Star” ixtisoslashgan kompaniyasi tomonidan tomorqa yer egalari va dehqon xoʻjaliklariga qulayliklar yaratish maqsadida “Agro doʻkon” faoliyati yo‘lga qo‘yilgan. Eng muhim jihatlaridan biri u mahalla ahliga qulay lokatsiyada joylashgan. Mazkur doʻkon orqali aholiga arzon va sifatli urugʻ, mahsulot yetishtirishda zarur boʻlgan mahsulotlar, mineral oʻgʻitlar, tomorqalardagi issiqxonalar uchun arzon va sifaatli poletilen plyonkalar yetkazib beriladi. Bundan tashqari arzon texnik ximatlar koʻrsatish va bepul agronom maslahati xizmati ham yoʻlga qoʻyilgan. 

Keyingi manzil “Qoʻzichoqli” MFY hududidagi yoshlar sanoat zonasida yoʻlga qoʻyilgan qishloq xoʻjaligi mahsulotlarini qayta ishlash loyihasi. Bu yerda yillik 50 tonna limon, 30 tonna xomaki uzumdan gʻurob tayyorlash va 30 tonna meva-sabzavot mahsulotlarini qayta ishlab, djem murabbo mahsulotlari tayyorlash yoʻlga qoʻyilgan. Loyiha to‘liq quvvatda ishga tushishi bilan 15 ta doimiy va 45 ta mavsumiy yangi ish oʻrni yaratiladi.

        Shuningdek, jurnalist va blogerlarga “Uzun – Agro Star” faoliyati haqida ham ma'lumot berildi. Xurmo va anjirga ixtisoslashuvi belgilangan “Uzun – Agro Star”ga Uzun, Kitob va Kattaqoʻrgʻon tumanlari biriktirilgan. Hozirda agrokompleks, tomorqa maktabi va boshqa aholi uchun manfaatli boʻlgan loyihalarni amalga oshirish jarayonlari olib borilmoqda.