Britaniya–Oʻzbek Hamjamiyati bilan hamkorlik masalalari muhokama qilindi

 “Uzagrostar Xolding” kompaniyasi vakillari va Britaniya–Oʻzbek Hamjamiyati tashkiloti direktori Eva Novikova oʻrtasida uchrashuv boʻlib oʻtdi.
       Uchrashuv davomida tomonlar kelajakdagi hamkorlik yoʻnalishlarini muhokama qildilar. Jumladan:
– Oʻzbekiston qishloq xoʻjaligi mahsulotlarini Angliyaga eksport qilish imkoniyatlari
– London shahrida Oʻzbekiston meva-sabzavotlari va quritilgan mahsulotlari uchun savdo uyi yoki showroom ochish loyihasi
– 2025-yil 26-sentabr kuni London shahrida o‘tkaziladigan Fresh Awards tadbirida “Uzagrostar Xolding” mahsulotlari bilan ishtirok etish.
       Uchrashuv yakunida tomonlar o‘zaro hamkorlikni jadallashtirish va kelishilgan tashabbuslarni amaliyotda qo‘llash bo‘yicha kelishib olishdi.