Bulung'ur AgroStar haqida

O‘zbekiston Respublikasi Prezidentining 2025 yil 14 fevraldagi “Uzagrostar xolding” kompaniyasi faoliyatini tashkil etish to‘g‘risidagi PQ–57-son qaroriga asosan, 2025 yil 28 may kuni “Bulung’ur Agro Star” loyiha ofisi MChJ sifatida qayta tashkil etildi.

“Bulung’ur Agro Star” — kartoshka urug’lari va yangi hosil yetishtirish, saralash, qadoqlash hamda eksportga tayyorlash sohasida ixtisoslashgan agrokompaniya. Biz fermer va dehqon xo‘jaliklari bilan hamkorlikda yuqori hosildor, sifatli va eksportbop ishlab chiqarishni yo‘lga qo‘yishga xizmat qilamiz.

I. Mavjud holat va amalga oshirilgan ishlar

Bulung’ur tumanida kartoshkachilik infratuzilmasini rivojlantirish dasturi ishga tushirildi: tomchilatib sug‘orish, fertirigatsiya, texnik monitoring va saqlash tizimlari joriy etildi.
Mahalliy iqlimga mos, yuqori hosildor va kasalliklarga chidamli navlar tanlab olindi; urug’lik bazasi bosqichma-bosqich kengaytirildi.
Fermerlar uchun amaliy seminarlar tashkil etildi: ekish texnologiyasi, o‘g‘itlash, himoya (IPM) va yig‘im-terim bo‘yicha treninglar o‘tkazildi.
Kartoshka saralash, kalibrlash va qadoqlash bo‘yicha standart operatsion tartiblar (SOP) ishlab chiqildi.

Tashkiliy o‘zgarishlar va hamkorliklar

“Bulung’ur Agro Star” MChJ ixtisoslashgan kompaniya sifatida qayta tashkil etilib, urug’lik markazi va demo-dalalar yo‘lga qo‘yildi.
Banklar va hamkor tashkilotlar ko‘magida urug’, o‘g‘it, himoya vositalari va agrotexnika bilan ta’minlash mexanizmlari yo‘lga qo‘yildi.
Qishloq xo‘jaligi ilmiy muassasalari bilan hamkorlikda nav sinovlari va adaptatsiya tadqiqotlari boshlandi.
Sovutkich omborlari, saqlash va logistika infratuzilmasini modernizatsiya qilish rejalashtirilgan.

Ilmiy yondashuv va xalqaro hamkorlik

Kartoshkachilik bo‘yicha ilmiy muassasalar bilan metodik qo‘llanmalar ishlab chiqilib, fermerlarga tarqatildi.
Xalqaro hamkorlar bilan sifat boshqaruvi, izlenish (traceability) va GlobalG.A.P./HACCP standartlari bo‘yicha ishlar olib borilmoqda.
Hududiy iqlim va tuproq sharoitlariga mos navlarni sinovdan o‘tkazish loyihalari yo‘lga qo‘yildi.
Qadoqlash dizayni va brendlash bo‘yicha ichki hamda eksport bozorlariga mos yechimlar ishlab chiqildi.

Natijalar

Pilot dala uchastkalarida yetishtirilgan urug’lik kartoshka sifat ko‘rsatkichlari bo‘yicha saralanib, fermer xo‘jaliklariga yetkazildi.
Mahalliy va mintaqaviy xaridorlar bilan ta’minot shartnomalari imzolandi, eksport uchun sertifikatlash jarayonlari boshlangan.

Ishlab chiqarish zanjiri (yo‘l xaritasi)

Urug’ tayyorlash — ekish — sug‘orish va oziqlantirish — IPM/himoya — yig‘im-terim — saralash/kalibrlash — qadoqlash — saqlash/logistika — ichki/eksport bozorlari.

Bizning xizmatlar