Пиёзнинг Сумбула нави – эртапишар нав бўлиб, эрта кузда, августнинг иккинчи ва сентябрнинг биринчи ярмида экилади (уруғи сепилади), гулпоя чиқармайди, хосилдорлиги гектарига 35-40 тонна, хосили май ойида етилади, пиёзи думалоқ шаклда, вазни 90-120 грамм. Қуруқ устки пўстининг ранги сариқ, ички пўстлари этли оқ рангда, совуққа чидамли. Экишнинг бошқа усули ҳам мавжуд – августнинг охирида очиқ майдонга уруғини сепиб, октябр ойининг биринчи ўн кунлигида ниҳоллар 4-6 см бўлганда асосий майдонга кўчатини кўчириб ўтказиш ҳам мумкин.